Plantun de Prouvènço

Pèr coumpara dos planto d'encò nostre

Sagittaria sagittifolia & Hormathophylla spinosa

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Gourbèio-d'or(-espinouso)

Hormathophylla spinosa

Brassicaceae Cruciferae

Nom en français : Alysson épineux.

Descripcioun :
La gourbèio-d'or-espinouso trachis en mato dins li roucas e sus li cresten venta de nòsti colo cauquiero. La planto èi di proun ramificado emé d'espino que vènon di ramo esterlo. Li fueio soun en pichòti rouseto de 1,5 à 6 mm de diamètre. Lis enflourejado soun en grapo courto de 5 à 15 flour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 30 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Hormathophylla
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 8 à 10 mm
Flourido : Printèms

Sòu : Ca
Autour basso e auto : 100 à 800 m
Aparado : Vo
Mai à jun

Liò : Roucas - Cresten venta
Estànci : Mesoumediterran à Subremediterran
Couroulougi : Mediterrano-Moutagnouso-Ouèst
Ref. sc. : Hormathophylla spinosa (L.) P.Küpfer, 1974 (= Alyssum spinosum L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Sagittaria sagittifolia & Hormathophylla spinosa

ges

Coumpara Flècho-d'aigo emé uno autro planto

Coumpara Gourbèio-d'or(-espinouso) emé uno autro planto